அ - வரிசை 24 - அகரமுதலி

எழுத்தெனப் படுவ அகர முதல னகர இறுவாய் முப்பஃ தென்ப -தொல்காப்பியம்

சொல்	பொருள்
அத்தியாயம்	நூலின் உட்பிரிவு இயல் நூற்பிரிவு
அத்தியாவசியம்	தேவை, அடிப்படையானது
அத்திவாரம்	அடி, அடிமரம்
அத்து	எல்லை (உரிய மதிப்பு இல்லாமல் போனாலும் பொருளாக) கடனுக்குத் தரும் உத்திரவாதம்
அத்துடன்	அதோடு,முன்னர் குறிப்பிடப்பட்டதுடன் சேர்த்து
அத்துப்படி	எல்ல விவரங்களும் அறிந்த நிலை
அத்துமீறு	தனக்குத் தரப்பட்டிருக்கும் உரிமையை அல்லது அதிகார வரம்பைக் கடந்து செல்லுதல்
அத்துவானம்	மனித நடமாட்டம் குறைவான இடம்
அத்தை	தந்தையின் சகோதரி/தாய் மாமனின் மனைவி/மாமியார்
அதக்கு	மெல்லாமல் வாயில் ஒரு பக்கமாக வைத்துக் கொள்ளுதல் கசக்க இளக்க குதப்ப
அதட்டல்	குரலில் வெளிப்படுத்தும் கண்டிப்பு
அதட்டி உருட்டி	அதிகாரத்தோடும் கண்டிப்போடும் மிரட்டி
அதட்டு	அதிகாரமாக உரத்த குரலில் பணித்தல் அல்லது கண்டித்தல்
அதர்	காட்டு வழி,ஒற்றையடிப்பாதை/பள்ளம்
அதர்மம்	அறத்திற்கு புறம்பானது/தர்மம் அல்லாதது
அதரம்	உதடு இதழ்
அதல்	சுமார் இரண்டு அடி நீளத்தில் அகலமாகவும்,செதிள்களோடும் இருக்கும்(உணவாகும்) பழுப்பு நிறக் கடல் மீன்
அதலபாதாளம்	அளவிடமுடியாத ஆழம் அல்லது பள்ளம்
அதற்குள்	எதிர்பார்த்ததைவிட முன்னதாகவே என்ற பொருளில் வரும் இடைச்சொல்
அதன்	அது என்பது வேற்றுமை உருபு ஏற்கும்போது பயன்படுத்தப்படும் வடிவம்